Nubes artificiais para loitar contra o quentamento global.

Esta é unha idea futurista que propón utilizar barcos para disparar auga mariña cara o ceo e así crear unhas nubes artificiais que reflexen a luz do sol e así provocar que o planeta enfríe e frenar o cambio climático. Trátase dunha proposta clásica da xeoenxeñaría, un físico atmosférico da Universidade de Washington propuxo un experimento para probar a pequena escala a súa viabilidade e estudar os seus efectos.

Nunha primeira fase enviaríase un barco con rociadores que puidesen lanzar suficientes partículas coa elevación adecuada e un avión equipado con sensores que estudaría como se difunden as partículas. Se esto funcionase, enviaríanse dez barcos repartidos en 60 millas no océano. As nuves serían o suficientemente grandes como para que un satélite examinase a capacidade destas para reflexar a luz.

Por que os humanos modernos temos queixo?

Un antropólogo e profesor da Universisade de Iowa liderou unha investigación que suxire que o queixo non se formou debido á masticación senon que foi un cambio debido ó tamaño e á forma da cara.

Tras facer análises biomecánicos faciales e e craneais de 40 persoas, ás cales se lle levan practicando estes estudos dende á infancia ata acadar a idade adulta, o equipo encargado de facelo observou que as forzas mecánicas parecen incapaces de producir a resistencia necesaria como para crear un novo óso na mandíbula inferior, máis ben pénsase que o queixo emerxeu nos humanos modernos debido a que a medida que os nosos rostros se volveron máis pequenos o mentón converteuse nun saínte óseo. Tamén se creee que o mentón é unha consecuencia dun cambio de estilo de vida que reduceu os niveles de testosterona provocando cambios na rexión facial masculina, un cambio fisiolóxico que que crearía unha oportunidade natural para a aparición do mentón humano.

Reflexada na nosa actividade cerebral o uso de teléfonos intelixentes.

Científicos da Universidade de Zúrich estudaron a actividade do córtex cerebral de persoas que usan teléfonos intelixentes e de xente que todavía usa teléfonos antigos. Para isto colocaron 62 electrodos nun casco que é capaz de rexistrar como o cerebro procesa os movementos do dedo índice, do pulgar e do corazón.


Grazas a este estudo os cietíficos descubriron que as persoas con teléfonos intelixentes teñen máis actividade cerebral ca as que usan teléfonos antigos e que esta actividade cotidiá queda rexistrada no noso cerebro.